5. Erantzukizun partekatua eta konpromisoa sexu segurua izateko

5. Erantzukizun partekatua eta konpromisoa sexu segurua izateko

Sexu-osasuna osasunaren eta ongizate orokorraren funtsezko alderdia da. 

Sexualitateari eta sexu-harremanei buruzko ikuspegi positiboa eta errespetuzkoa mesedegarria da esperientzia atseginak, seguruak, berdintasunezkoak eta indarkeriarik gabekoak izateko.

Horretarako, harreman bateko partaide guztiok dugu gozatzeko, elkarri on egiteko, elkar maitatzeko eta elkar zaintzeko ardura. Era berean, guztiok gara ondorioen erantzule baldin eta arriskuak (haurdunaldia, sexu-transmisiozko infekzioak-STIak- eta abar) dakartzaten sexu-praktikak (uzki, bagina eta/edo aho bidezko sarketa) izatea erabakitzen badugu.

 Tratu onaren parte da kontrazepzioa eta STIen prebentzioa elkarrekin planifikatzea. Arriskuak ekar ditzaketen sexu-praktiketan prebentzio-neurriak erabiliz gero, errazagoa da poza eta gozamena sentitzea eta beldurra, kezkak eta segurtasun-gabeziak ezabatzea, eta elkar zaintzea eta gozamena jartzea topaketaren erdigunean. “Neure burua zaindu nahi dudalako eta zu zaindu nahi zaitudalako erabiltzen ditugu”.

Nafarroako Gazteriaren Institutua
Nafarroako Osasun Publikoaren eta Lan Osasunaren Institutua