Preserbatiboak

Preserbatiboek semena edo semen-likidoa baginan sartzea eragozten dute. Beraz, espermatozoideak eta obulua elkartzea eragozten dute, hori baita haurdunaldia gertatzeko ezinbesteko baldintzetako bat.

Espermatozoideak semenean daude, eta, kopuru txikiagoan bada ere, likido aurreseminalean ere bai. Beraz, preserbatiboa baginako sarketaren hasieratik erabili behar da.

Oso metodo segurua eta eraginkorra da haurdunaldia prebenitzeko. Eta sexu-transmisiozko infekzioak (STI) prebenitzeko metodorik seguruena da.

Bi preserbatibo mota daude: bata zakilean jartzen da eta bestea, berriz, baginaren barruan:

Zer da kanpoko preserbatiboa edo gizonena?

Gizonek erabiltzeko metodoetako bat da. Zorro fin, elastiko eta erresistentea da, latexez edo beste material batzuez egina, eta zakila tente dagoenean jartzen da, baginan sartu aurretik. Horrela, semena zorroan biltzen da, eta ez du kontakturik baginarekin.

Gaur egun, kontrazepzioaren ardura nagusia emakumeena da oraindik ere. Kanpoko preserbatiboa da gizonen inplikazio handiena eskatzen duen metodoa, eta ardura hori orekatzen laguntzen du.

Eta barne erabilerako preserbatiboa edo emakumeena?

Nitrilozko zorro bat da. Mutur bakoitzean eraztun malgu bat dauka: bat finkoa da, bulbaren aldean geratzen dena, eta bestea mugitu egiten da, eta barruan geratzen da.

Erabili aurreko eta ondorengo aholkuak

Preserbatiboaren eraginkortasuna oso handia da, betiere ongi zainduta nola gorde, jarri eta kendu:

• Gorde: leku lehor batean eta giro tenperaturan.
• Jarri: sarketa hastear dagoenetik. Jolasaren bidez jarriz gero, gure gorputza, gure genitaltasuna eta gurekin harremanetan dauden pertsonena ezagut ditzakegu.
• Kendu: garrantzitsua da preserbatiboari eustea, baginaren barruan geratzen ez dela ziurtatzeko. Erabilera bakarrekoa da.

Espermizidekin batera erabil daiteke, eta eraginkortasuna handitzen du uretan disolbagarriak diren eta sarketa errazten duten lubrifikatzaileekin batera erabiltzean; gainera, horrela, hausturak saihesten dira. Espermizidak substantzia kimikoak dira, espermatozoideak suntsitzen edo immobilizatzen dituztenak.

Garrantzitsua da ongi jartzen ikastea eta baginako koitoaren hasieratik erabiltzea. Jolasaren bidez jar daiteke, eta, horrela, gainera, gure gorputza, gure genitaltasuna eta gurekin harremanetan dauden pertsonena ezagut ditzakegu.

Sexu-transmisiozko infekzioak (STI) prebenitzen ditu.

 

Informazio gehiago:

• CON kanpaina
• Arriskuei aurrea hartzea