Tratamendu hormonalak

Tratamendu hormonalak metodo antikontzeptibo farmakologiko bat dira, hau da, estrogenoak eta/edo progesterona dituen hormona prestakin bat. Sexu-hormona horiek honela jardun dezakete haurdunaldia eragiten duten faktoreetan:

• Obuluak ekoiztea eta askatzea eragotz dezakete.
• Umetoki-lepoko mukia lodi dezakete, espermatozoideen mugimendua zailtzeko.
• Endometrioaren egoera naturala aldatu, eta obulua finkatzea eragotz dezakete.   

Beraz, metodo oso eraginkorra da, ernalketarako garrantzitsuak diren alderdietako hirutan jarduten baitu.

Hainbat modu daude tratamendu hormonal horiek hartzeko: pilula, adabakia, eraztuna, inplantea eta injekzioa.

Albo-ondorio batzuk eragin ditzakete: buruko mina, goragalea, hilekoen artean odola isurtzea eta bularretako tentsioa dira ohikoenak.

Bi hormonak osatutako tratamenduak edo tratamendu konbinatuak ez dira gomendagarriak emakume erretzaileentzat, batez ere 35 urtetik gorakoak badira, faktore horien baturak areagotu egiten baitu albo-ondorioak izateko arriskua, batez ere zirkulazioari dagozkionak.

Arrisku hori oso txikia da emakume osasuntsuengan, eta haurdunaldian bertan edo erditu eta berehala dagoen arriskua baino askoz txikiagoa da.

Ez da komeni hipertentsio arteriala, migrainak, bihotzeko arazoak, diabetesa edo gaixotasun hepatikoak, besteak beste, dituzten pertsonek metodo hori erabiltzea.

Farmazian erosten dira eta medikuaren errezeta behar dute.

Gaur egun, oraindik ez dira merkaturatzen gizonentzako antisorgailu hormonalak, baina badira horri buruzko ikerketak. Erantzukizuna emakumearena baino ez da.

Onduan, zein erabaki?

Metodoa aukeratzeko orduan, alderdi batzuk har daitezke kontuan: sexu-jarduera, adina, profesionalak emandako informazioa, tratamendu bakoitzak berekin dakartzan kontrolak, prezioa,etb.

Informazio gehiago:

• Osasun Ministerioa: ahotik hartzeko antisorgailuak hautatzeko irizpideak